طاجن الأرز باللحم من مطبخي

طاجن الأرز باللحم من مطبخي
السلام عليكم ورحمة الله وبركاته
كيفكم اخواتي العزيزات اشتقتلكم رح اقدملكم طاجن الارز باللحم جدا طيب وابو الشباب حياكل اصابعو ورا ههههههههه
بسم الله نبدا
المقادير:
كوب ونصف ارز بسمتي تلدا او اي نوع بتفضلي
لمحم شقف رأس عصفور
حبتين بصل صغار او بصلة كبيرة مقطعة جوانح
فلفل رومي مقطع بالطول
حبتين بندورة مقطعة كبير
3 فصوص ثوم مقطعة شرائح
عود دراسين(قرفة)
5 حبات قرنفل
5 حبات هيل
ورقة غار
ملعقة صغيرة بهارات مشكلة
ربع ملعقة صغيرة لكل من(هيل,قرفة,كمون)
4 حبات فلفل اسود او ربع ملعقة صغيرة مطحون
زيت وملح

الطريقة:
نضع الزيت بالطنجرة وبنسخنو على نار متوسطة ونضع اللحمة وبنحمرها على كل الجهات تقريبا


ثم ضع البصل والثوم وبنقلبهم حتى ياخذو اللون الاشقر


ثم نضع البهارات جميعها الصحيحة والمطحونة وبنقلبهم قليلا على نار اقل من متوطة


ثم نضع الفلفل الرومي(الحو) وبنقلبو


ثم نضع البندورة وبنقلبها


وبنوطي النار وبنغطي الطنجرة بنخليها على نار هادئة لمدة 45 الى 55 دقيقة كل فترة بنحركهم اذا كانت بحاجة الى الماء ضعي نصف فنجان قهوة ماء


ثم نضع الرز بصينية بايركس مطلي او فخار ونضع الخلطة عليهم وبنوزعها



ثم بنذوب مكعبة ماجي بماء ساخن ونضعو على الأرز


بنغطيها بالقصدير جيدا ونضعها بفرن حامي تقريبا بدها نصف ساعة