معكرونة بالبشاميل....سريعة وخفيفه...

معكرونة بالبشاميل....سريعة وخفيفه...



مرحبا يا بنات... هذي أول مشاركة لي بهذا الركن... وإن شاء الله أقدر أفيدكم....
أنا زوجي مايحب البشاميل...يقول ثقيل ويغث... وأنا أموت على البشاميل...
فاخترعتله طريقه يديده وغيرت صلصة البشاميل كلها... وطلعت وااايد خفيفة ولذيذة...
وألحين مايبي ياكل غيرها...

معكرونة بالبشاميل

المقادير:

*12 حبة جبن كيري *4 قطع ماجي *4 علب قشطة *جزر *فليفلة *شبت *بصل *بقدونس *دجاج مسلوق...

الطريقة:

*نحمر البصل مع والجزر والفليفلة والشبت والبقدونس وقطع الماجي والدجاج وشوية ملح وبهارات ويترك على النار حتى ينضج..

*تسلق المعكرونة وتوضع في صينية التحمير...

*نخلط القشطة مع خلطة الدجاج( علبتين فقط)...

*نصب الخلطة فوق المعكرونة..

*نخلط 12 حبة جبن كيري + 2 علبة قشطة بالخلاط ونصبه فوق المعكرونة بحيث نغطيها كلها..

*ثم ندخله الفرن حتى يحمر وجهه...

وبالعافية عليكم