اقهــــوة ’’’...’’’

صباح الخيرات على الجميع

مثل ما خبرتكم امس اني عازمتكم ع فنيان اقهوة

تمتاز القهوة الاماراتية ....برائحتها الزكية

لانها تحتوي على الهيل والزعفران.............وبعضهم ايضيف لها قليل من ماء الورد

طبعا القهوة حلوة اتكون ....عند طحن نوعين....محمصة ....والعادية + الهيل

طبعا بعضهم يغلي الماء ....ويضع القهوة داخل الدلة مباشرة....ثم يقومون بسكب الماء فوقه....واتكون جاهزة

بالنسبة حقي اخلي القهوة تغلي مع الماء...

ولا ننسى اضافات الهال والزعفران



ولا ننسى ان القهوة عند العرب هي عنوان الاصالة والكرم

ولها طريقتها في التقديم....على حسب ما اتعلمت

ان الدلة تمسك باليد اليسار ويمسك الفنيان باليد اليمين...........عسب انقدمه باليمين ....والضيف يستلمه باليمن

وحبيت اضيف شي........

عند صب القهوة في الفنيان ........انخليه لربع الفنيان.........مش مليان ....ولا ايكون قليل

ولازم لازم........عقب ماتشرب اتهز الفنيان .......والا معناها انك تبا المزيد منه

وعيب عندنا اتحط الفنيان في الارض..

وعند التقديم لازم تبدا ....بالجالسين على اليمين

واذا عندك ضيف لازم تبدا فيه.....وعقب الي يالسين على يمينه



والي عنده اي اضافات.....حياكم