أكله من اختراعي..حتى مالقيت لها اسم ..من مطبخ ضحوك..

أكله من اختراعي..حتى مالقيت لها اسم ..من مطبخ ضحوك..
السلام عليكم ورحمه الله وبركاته
هالاكله من أختراعي..واتمنى انكم اتجربونها..

هالاكله بتكون على فترتين..

المقادير الفتره الاولى:
دجاج (مقطع صغيره جدا)
3 فصوص ثوم او على حسب الرغبه(مدقوق)
ملح
فلفل أسود
عصير ليمون..

انظف الدجاج ..
ونضعها في صحن كبير..
نحط فوقها الثوم+الملح+الفلفل الاسود+عصير ليمون..
ونخلطها كلها مع الدجاج..حتى نحس ان التتبليه في كل الدجاج..
أنغطي الدجاج بورق القصدير ونضعها في الثلاجه لمده ساعة او ساعتين...

من بعد ماتكمل ساعة..
انسخن الزيت لقلي هذا الدجاج حتى يحمر..ونحاول ان ننشفه من الزيت بالورق المحارم المقوى عشان ماتكون دسمة.

مقادير الفتره الثانيه:
باذنجان(مقطع مدور)
بطاطس(مقطع مدور)
بصل مفروم
طماطم مقطع
فلفل اخضر مقطع.
فرنين من الفلفل
صلصل
ملح
فلفل أسود

الطريقه:
_نقلي الباذنجان والبطاطس بس تكون نص قليه..ونضع في الجانب..
_نحمر البصل بالزيت الزيتون.ومن بعدها الطماطم ونحركها لحد مانحس بان الطماطم صار لين .
_نضع الفلفل الاخضر وانحركها مع البصل والطماطم.
_نضع البطاطس المقلي معــاه وانحرك هالمقادير زين.
_من بعد ماحركناها لمده دقيقتين:نضع الصلصل مع شوي من الماي +الملح+الفلفل الاسود
وانحرك هالمقادير زين.
_الدجاج الي قليناه في الفتره الاولى ..انصففها مع الخلطه وانحركها شوي شوي ..لمده دقيتين..
_نضع قرون الفلفل وانحركها مع الخلطه لمدة معينه..
_غطي الخلطه مع الدجاج واتركيها في نــار هادئه جدا لمده دقيقتين او ثلاث.
_احضري صينيه الفرن الزجاجيه ..
وضعي الخلطه مع الدجاج فيها بأنتظام..
_احضري الباذنجان وصففيها فوق الدجاج تكون الباذنجان اخر طبقه.
_زيني الطبق بالبقدونس المفروم .
_ضعيها في النهايه بالفرن وشغلي بس الغار الي فوق..لمدة خمس دقائق او لين ماتحسين بأحمرار الباذنجان.
أحضريها مع الرز الابيض أو الخبز اللبناني..

وبالعااافيه عليكم