الموت ديال الضحك مع نكت مغربية محترمة و نقية

هادا واحد خينا مشى عند الطبيب وقال ليه: كلشي كيضرني. إيدي، رجلي، كرشي، صدري.... اللي حطت عليها صبعي كضرني دوز ليه الطبيب وما لقى عندو والو. وهو يقول ليه: أرى كاع داك الصبع نشوفو.وهو يلقاه مهرس ليه صبعو


هادا واحد البورطابل دار مع واحد البوطابلة باش يتلاقاو، ساعة تعطل عليها قالت ليه البورطابلة: أش هاد التعطيلة؟ قال ليها البوطابل: واحق الريزو اللي بناتنا إيلا غي كنت كنتشارجا


هادا واحد مشى لواحد العرس و بدا ياكل ياكل ياكل حتى بغات كرشو طرطق قالوا ليه: أدير صبعك ف فمك باش ترد قال ليهم: كون بقات بلاصة فين ندير صبعي كون كليت مازال بنانة


هادا واحد الولد طلع للسطاح ولقى جداتو كتغسل شعرها من الحنا. هو غير شاف اللون ديال الما قهوي وهو يقول ليها: شفتي أجدة أشنو كنقول ليك ديما؟ ها راسك تصدى كاع من كترة الجليس ف السطاح

واحد مبوق صرفقو صاحبو وهو يقول له: واش بصاح أولا كتفلا؟ قال ليه صاحبو: لا بصاح قال لي المبوق: مزيان... حيت أنا ما كنحملش التفليات


هادا واحد المعلم رسم سباط ف السبورة وسول واحد التلميد: أشنو هادا؟ قال ليه الولد: هباط سلخو المعلم مزيان وقال ليه: لا هادا سميتو سباط الغد ليه عاود المعلم رسم سباط وسول نفس التلميد: أشنو هادا؟ عاود قال ليه الولد: هباط عاود معاه المعلم نفس السيناريو شحال من مرة ولا بغى الولد يحفض هاديك سباط. المعلم طلع ليه الدم، وقال ليه: صافي جيب ليا ولي أمرك منين جات أم الولد، قال ليها المعلم: شوفي أ لالة، راني عييت مع ولدك... ديما كنرسم ليه هادا وكيقول ليه هباط بقات المرا تفكر شوية وهي تقول ليه: إيوا أشنو بغيتيه يقول ليك؟ هبرديلة؟


عشرة د المكلخين كيتعلموا الربطة ديال الكرافاتة. ستة ماتوا وربعة ف حالة حرجة



هادا واحد المعلم تعين ف واحد لقرية ف لعروبية. واحد النهار دّا الكاشير للقسم و سول التلاميد: ما هذا؟ حتى واحد ما قشع أشنو داكشي. شوية و هو يهز واحد التلميد صبعو: هاديك ممحاة ديال ستاشرمية



هادا واحد لكسول، غير هز صبعو و هو يشدو لكلاكاج


هادو تلاتة زقرامين قرروا يتبرعوا بشوية من فلوسهم حيت كترات عليهم الهدرة قال ليهم اللول: غادي نرسم واحد الدائرة و نلوح الفلوس من الفوق. الفلوس اللي طاحوا ف الداخل ديال الدائرة ديالي. و الفلوس اللي يطيحوا ف برا الدائرة غادي نتصدق بيهم قال ليهم التاني: أنا غادي نرسم واحد الخط و نلوح الفلوس من الفوق. الفلوس اللي طاحوا على ليمن ديال الخط ديالي، و اللي طاحوا على ليسر ديال الخط نتصدق بيهم ناض التالت قال ليهم: أنا غادي نلوح الفلوس من الفوق. اللي طاحوا ديالي و اللي بقى ف السما نتصدق بيه


هادا واحد شدوه البوليس, و سولوه أشنو سميتو، جاوبهم بشويييية :عمر
قال ليه واحد لبوليسي: وا غوّت
و هو يقول ليهم: وااااااااااااااااااااع